Қыдыршаев Абат Сатыбайұлы

Қыдыршаев Абат Сатыбайұлы (15.11.1963 ж.т., Атырау облысы Құрманғазы аудан Тайланбай а.) – педагогикалық ғылым докторы (2001). Орал педагогикалық институтын (1985, қазіргі Батыс Қазақстан мемлекеттік университеті) және Алматы мемлекеттік университетінің (1995, қазіргі ҚазҰПУ) аспирантурасын бітірген. Атырау облысы Құрманғазы ауданында мұғалім (1985–90), Батыс Қазақстан мемлекеттік университетінде кафедра меңгерушісі (1995–96) қызметтерін атқарды. 70-тен астам ғылым жарияланымның, оның ішінде 2 монографияның авторы.